Te Rairai n te Taetae ni Kiribati | I-Kiribati Version
Wareka te rongorongo aio n te Ingiriti →
Ko na mauri ao kaaraki nakon Tebatoki.com. I karaoa te website aio bwa te tabo ae N na kona iai n tibwai reirei, au taneiai, ao iango aika I kantaningai bwa a na kona ni ibuobuoki nakoia tabeman ni kaunga te kamarurung, anga te kakorakora, noora kakaawakin te maiu ao ni maiuakina te maiu ae kororaoi ma ni kakukurei.
Au mwananga n te maiu e a tia ni kairai rinanon te reirei, te mwakuri ibukin te botanaomata, te kairiri, kangaangan te maiu, te onimaki, te maiu inanon te utu, ao au kakaae ke n reirei ae teimatoa ibukin kawai aika a raoiroi riki. I nanon te mwananga aio, I a tia n reireiaki bwa tabeua reirei aika kakawaki riki n te maiu, a bon aki tii reke man boki ke man te reirei n the kuura. A reke naba man ara taneiai — man te tokanikai ao te aki naba tokanikai, man taai aika a kanganga, man angaraoi aika aki kantaningaki, ao man te wanawana ae ti karekea ngkana ti iangoa raoi ara taneiai inanon ara kaangaanga ke kakabwaiaakira.
Mangaia ae te website aio e aki tii riki bwa te tabo ae N na korea iai au iango ma au noonoori. Bon te tabo n tibwatibwa iaon te bwai ae I a tia n reiakinna ao ae I teimatoa n reiakinna, ao ni kaungaia naba tabeman bwa ana iango, titiraki, rinanoi aia taneiai, ao n rikirake ma ngai.
Onimaki, Marurung ao te Kouru
Te onimaki, te marurung, ao te kouru bon tenua booto n iango aika a kakawaki irou n taai aika kakaokoro inanon te maiu. I a tia n ataia bwa te maiu ae kakukurei ni koaua e aki tii kateimatoaaki n te tokanikai n te iteran te maiu ae tii teuana. Maeura n onimaki, marurungin rabwatara ao ara iango, ara iraorao ma tabeman, ara mwakuri ke tabera, ao bukin maiura (bukin rokora nte maiu aio) a bane n irekereke.
Te onimaki bon te boto ae I kataia iai n ota n te maiu ao nanona. Te marurung e anganira te korakora ao te kona ni kabongana raoi te maiu ae ti anganaki, ao te kouru e anganira te kawai ae ti na kabongana iai ara tai, ara konabwai, ao angaraoi aika ti anganaki. I aki taku bwa I a tia ni kona raoi ni karaoi bwaai aikai ni kabane. I teimatoa n reiakin, ni kataneiai, n rinanoi au iango, ao ni kataia ni karaoi bwaai ni karaoiroi ke ni katamaroai riki—ao n te blog aio Nna tibwa iai tabeua mai buakon kanoan au noonoori.
Bwaai Aika I kantaningai bwa Nna Tibwai
N te blog aio, I kantaningaia naba bwa Nna tibwa au iango ao au taneiai i aon te onimaki, te maiu ni marurung, te kouru, te kairiri, te reirei, te reirei ae teimatoa n te maiu, ao reirei aika a reke man ara taneiai ni katoa bong. Tabeua mai buakon au post a na maroroakini kawai aika a kona n ibuobuoki ni katamaroaa ara katei ni katoa bong; ao tabeua a na rinanoi taneiai aika a tia ni bitii kawai aika I ota iai n te maiu, te mwakuri, ao te rikirake iroun te aomata.
I kan tibwai naba iango aika a irekereke ma kanoan te boki are e a tibwa tia ae I aranna bwa ‘The Twelve God-Given Habits’, te boki ae tabe ni katauraoaki ibukin te booretiaki. I nanona bon te koaua ae bebete ma e kakawaki bwa kairan te iango bwa: te maiu ae marurung riki ao n aanaki ni uaiakinan te kouru, e aki kateimatoaaki tii nte atatai ke n te bwai ae ti ataia, ma e kateimatoaaki naba n bwaai aika raoiroi aika ti karaoi ni katoa bong.
Ti na kaai n Reirei
Au kantaninga bwa te website ae tebatoki.com e na riki bwa te tabo ae ti na kona n teimatoa iai n reirei n ikotaki. I a kaoiko bwa ko na manga oki, wareki posts ke katokatoka aika a na roko, ao n tibwai am iango, aon rinanoi ma ngai iango ao taneiai aika a maroroakinaki ikai. Ngkana iai te bwai ae ko warekia ae e kaunganano, ae e buokiko ni iangoa te kawai ae boou, ke ae e kaungako bwa ko na karaoa teuana te bitaki ae raoiroi ni maium, ao e a tia te website aio ni karaoa te mwakuri ae kakawaki.
Kam bati n rabwa ibukin ami kawara Tebatoki.com ao ibukin moanakin te mwananga ma ngai.